ภูมิพโล มหาราชา นวโม จกฺกิวํสิโก
ปุพฺเพ กตาธิกาโร จ ปริปูริตปารมี
สพฺพทยฺยานมตฺถาย หิตาย จ สุขาย จ
โลเก อุปฺปชฺชมาโน ว อุปฺปชฺชติ นริสฺสโร
ธมฺมฏฺโ ทสธมฺเมหิ รชฺชํ กาเรติ สพฺพทา
โส พุทฺธมามโก อคฺโค สาสนสฺสูปถมฺภโก
สทฺธมฺมกุสโล โหติ สกฺกจฺจํ ธมฺมจาริโก
ราชกิจฺเจสุ พฺยตฺโต จ นานาสิปฺปาน โกวิโท
รฏฺนฺตสนฺติมิจฺฉนฺโต อนฺโตชเนสุ ธมฺมิกํ
รกฺขาวรณคุตฺตึ ว สุสํวิทหตี สทา
จตุพฺรหฺมวิหาเรหิ สมนฺนาคตเจตสา
อตฺตโน ปิยปุตฺเตว สพฺพทยฺเย ปิยายติ
อิจฺฉนฺโต ทยฺยวาสีนํ สุขทุกฺขมฺปิ ปสฺสิตุ
ขนฺติโก วิริยุสฺสาโห สกเขทํ อจินฺตยํ
รฏฺสฺส สพฺพาเนสุ จาริกํ จรมานโก
สมฺมาอาชีวุปายมฺปิ วิเนติ อุปถมฺภติ
เตสํ ผาสุวิหาราย ภาสตี สมชีวิตํ
ปวตฺตาเปติ เอเตสํ สพฺพํ อตฺถํ หิตํ สุขํ
รตนตฺตยานุภาเวน รตนตฺตยเตชสา
เสฏฺโ ภทฺรมหาราชา สพฺพทยฺยมโนหโร
สอคฺรมหาราชินี สปุตฺตธีตุนตฺตุโก
อโรโค สุขิโต โหตุ สตาติเรกอายุโก
ยถาธิปฺเปตอตฺโถ จ ขิปฺปเมว สมิชฺฌตุ
จิเรน ทยฺยรฏฺสฺมึ จกฺกิวํโส ปติฏฺตุ
สพฺเพหิ อนฺตราเยหิ ทยฺยชาติ วิมุจฺจตุ
อิทฺธึ ปปฺโปตุ เวปุลฺลํ วิรุฬฺหึ อุตฺตรึ สทา
ทยฺยิกา จ มหามจฺจา สุขิตา โหนฺตุ นิพฺภยา
จิรํ โลเก ปติฏฺาตุ สมฺมาสมฺพุทฺธสาสนนฺติ ฯ
รักในหลวงครับ 
